تبلیغات
مانقیم

سنه داریخماغیمین روایتی



http://ishiq.net/?p=8206


سنه داریخماغیمین روایتی‌نی
هانسی راوی
نقل ائتمیش
هانسیسا کیتابدا
یوخسا
کائناتا پوفله‌ییب‌دیر
الوولار چئوره‌سینده ورد اوخویارکن
هانسیسا عصرین قامی
و سن بؤیله عظمتلی
ایچه‌ریبسن دونیا گؤروش‌لریمی
*
هانسی داغدا یاشاییرسان
هانسی کؤهولون اؤنونده
هالای گئدیرسن
سالیبدی ناخیشلاریمی
گؤزلریندن ساچان ایشیق
آرکائیک بیر بیچیمده
کؤهولون دیبینه
*
من
هالایلارینین یورومویام
گؤرنلرین گؤزونده
هانسی اویونونلا تمثیل ائده‌جکسن منی
*
سن
هانسی بویدان قوپور
وایغالاریما* جالاندین
تکی
قالسایدین
کیتابلاردا
پیتیک‌لرده
بؤیله دارماداغین اولمازدیم
حئیرانلیغیمین روایتینی ده
سن‌دن
کؤنلومه ائندیردیلر
بیر گون‌اورتا چاغی
اوزون بیر کئچید
غریبه بیر دوروم‌دا
قوتساللیق‌لار سینان چاغ ایدی
پوزولوردو منده بوتون قورولوشلار
*
داغلارا اوخوسام ساولارینی
چاتلار
شوبهه ائتمه
اما
“فما بلغت رسالتها” گؤندرمه منه
شامانلارین کوسمه‌سینه
راضیلاشماییر اوره‌ییم
سولطانیه،
اوتسوز گؤوور-قالاسینا بنزه‌ییز،
شامانسیز.

* وایغا: شاهسئون آغزیندا “خیال” آنلامیندا.
شهریور ۹۲ – قوم





قونولار: شئعر 




قوتادغو بیلیگین اوچ نوسخه‌سی: هرات، مصر و فرغانه نوسخه‌لری



علیرضا آقازاده

 

بو یازی، آزجا آرتیرمالار و اویغونلاشدیرمالارلا، پروفسور احمد ارجیلاسونون "تورک دیلی تاریخی" کیتابیندان آلینمیشدیر.

 

هرات نوسخه‌سی 842نجی هجیری ایلده هراتدا، "امیر تیمور"ون دؤردونجو اوغلو "معین الدین شاهرخ"ـون درباریندا یازیلمیشدیر. امیر تیمور زمانیندا اصیل تورک دیلی و اسکی تورک خطی (اویغور الیفباسی)، تورکلرین آتابابالاریندان یادیگار اولاراق یئنی بیر اؤنم تاپیر. امیر تیمور بو خطی دیریلتسین دئیه چاغاتای تورکجه‌سینی رسمی ائدندن سونرا بعضی بویروقلارینی بو خطده یازدیریر. ارجیلاسونون دئدیگینه گؤره، عثمانلی سولطانی ایکینجی موراد، اوغلو شاهزاده محمده (سلطان محمد فاتح) اویغور خطی اؤیرتمنی توتوبموش. بو خط ایللر اوندان سونرایا کیمی عثمانلی درباریندا دا ایشله‌نیرمیش و بعضی کیتابلار دا بو خطده یازیلمیشدیر. آنجاق بو سنّت اوزون سورمه‌ییب بیر مدتدن سونرا اونودولور. قوتادغوبیلیگین هرات نوسخه‌سی ده تیموری‌لر گلَنه‌یینه دایاناراق اویغور الفباسیندا یازیلمیشدیر. سونرالار "شیخ‌زاده عبد الرزاق بخشی" آدیندا ایکینجی بایزید درباریندا اولان بیر کاتیب بو نوسخه‌نی هراتدان عثمانلی دربارینا آپاریر. اویغور الیفباسی عثمانلی درباریندا اونودولاندان سونرا، هرات نوسخه‌سی ده اونودولموش قالیر. 18نجی میلادی قرنین سونلاریندا، عثمانلی بیلیم‌چی‌سی "هامئر" بو نوسخه‌نی تاپیب وییئنه آپاریر. او، نوسخه‌نین نئچه صفحه‌سینین کوپیسینی پاریسده اولان آمئده ژوبئرته گؤنده‌ریر. او ایسه اونو "ژورنال آسیاتیک" درگیسینده قوتادغو بیلیگی ایلک دؤنه اولاراق یئنی دونیایا تانیتدیریر. بو نوسخه ایندی ویئنده اوتریشین میللی کیتابخاناسیندا ساخلانیلیر.

مصر نوسخه‌سی 775نجی هیجری ایلدن قاباقکی بیر تاریخده، مملوک‌لار دؤولتینین امیرلریندن اولان "عز الدین آیدمیر" آدینا عرب الیفباسیندا استنساخ اولوبدور. بو اثر یوز ایللرجه قاهیره‌نین خدیویه کیتابخاناسیندا قالمیشدیر. بو کیتابخانانین مدیری، موریتز، 1986نجی ایلده کیتابخانانی فهرست ائدرکن، بو نوسخه‌نی یئرآلتی قاتدا، واراقلاری قاریشمیش بیر دورومدا تاپیر. بو نوسخه ایندی قاهیره‌ده مصرین دؤولت کیتابخاناسیندا ساخلانیلیر. مملوک‌لار دؤنه‌مینده، تورک دیلی اؤیرتیمی اولاراق، چوخلو سؤزلوکلر و قرامئر کیتابلاری یازیلمیشدیر.

قوتادغو بیلیگین ان اسکی نوسخه‌سی فرغانه نوسخه‌سی‌دیر. بو نوسخه‌نین دقیق استنساخ تاریخی بللی دئییل؛ اما هجری 750نجی ایلدن قاباق استنساخ اولموشدور. نوسخه‌نی "زکی ولیدی طوغان" 1913ده "فرغانه" منطقه‌سینده تاپیب اونو قیسا بیر یازی ایله تانیتدیریر. بیرینجی دونیا ساواشینین گرگینلییینده نوسخه ایتیر. سونرالار فیرات آدیندا اؤزبکیستانلی بیر بیلگین، 1925ده نوسخه‌نی یئنیدن تاپیر. بو نوسخه ایندی تاشکند کیتابخاناسیندادیر.








آنادیل گونو




ویکی پئدییا - آذربایجانتورکجه سی
ویکی پئدییا - تورکیه تورکجه سی
ویکی پئدییا - اینگیلیزجه




ایلگی لی باغلانتی لار: اولوسلار آراسی آنادیل گونو - بیرلشمیش میللتلر اؤگوتو 




باش ساغلیغی



آغ بیرچکلی آنامیز، سید حیدر بیاتین (بؤیوک) ننه سی دونیاسینی ده ییشدی.
آذربایجان فولکلورونون خزینه لریندن بیری ده آزالدی.
بئله بیر ننه نی الدن وئرمه یی یئددی آی اؤنجه، کؤرپه لیک ده آغزیندان دویدوغوم، اوشاقلیقدا ناغییللاری ایله یاتدیغیم، بویومو اوخشامالار
ی ایله کوسدویوم کیمسه لرله باریشدیغیم، سؤزجوکلریمین قایناغی اولان، اؤز "بی بی" چاغیردیغیم ننه مین 92 یاشیندا رحمته گئتمه یی ایله دئنه میشم.

سایین اوستادیم و سئویملی دوستوم سید حیدر بیات!

باشینیز ساغ اولسون


او رحمتلی یی آناراق، اؤز "بی بی"مین شکیلینی تقدیم ائدیرم.






ایلگی لی باغلانتی لار: بؤیوک دیل اوستادیملا وداعلاشیرام 




"سن"فوبیا



تیتره ­­تدین جانیمی

"سن"فوبیا بورودو منی

ایندی

تورفان پیتیک­لریندن باش چیخاران شامان حکیم­لر ده

تاپا بیلمه­ یه­ جکلر

بیر اَم

بو خسته ­لییه

دؤز هله

مودئرن مئتودلار یولدادیر

یئنی آراچ­لار

"Made in China"لی دئو ماشین­لارا یوکل­نمیش

یول­لاری سؤکه سؤکه...

دؤز هله

تورکمن چای­دا بلله­ نن سینیرلاردان

بیر قاریش اویانلیق

دونیا داها فرق­لی­ دیر

گؤزلوک­لو جرّاح­لار

اله-یاتیم­لی اینجه ائسکالپئل­ لری ایله

سنین تاکسیدئرمی واریانتی­نی حاضیرلاییر

دؤز هله

یئنی مئتودلار یولدادیر

مودئرن آراچ­لارآرا

Latin Əlifbasında



قونولار: شئعر 




تورکو داوا



گئجه اوتورموشدوق نار یئییردیک. آنام قدیمدن دانیشیردی. دئییردی بیر قونشوموز وارایدی ائوی اودلانیب، قیچی اود ایچینده یانمیشدی. دوکتور دئمیشدی گرک کسیله. آناسی آنجاق راضیلاشماییب دئمیشدی اؤزوم یئتیشیب مرهم قویاجاغام. نه ایسه آناسی "تورکو داوا" ایله بیر ایلده اوغلونون قیچینی توختاتمیشدی.
آنامی او حالدان چیخارتماییم دئیه "تورکو داوا" دئییمینین دقیق آنلامینی اوندان سورمادیم. آنجاق سؤزلریندن بللی ایدی کی ائوده یوخسا سوننتی شکیلده دوزنیلن مرهمه "تورکو داوا" دئییلیر. آذربایجانین باشقا بؤلگه لرینده بو دئییمین ایشله نیب ایشلنمه مه سینه گؤره بیلگیم یوخدور. یالنیز بو گؤزل دئییمی ثبت ائتمک اوچون بونو سیزینله پایلاشماق ایسته دیم.








چؤزولمز گؤزلرین



سن کی بئله بوروشوق دئییلدین

بئله چؤزولمز دئییلدی

          گؤزلرین

و ایراق گزردین سیاست­دن

نییه قاتیلدین بو قافلان­لارین جینایتینه

سن کی گؤی­دن آچیق

یاغیش­دان دورو

بولوددان

          آآآآآخ

                   یوموشاق

قاییت

          قاییت

                   کؤنلومه سیغین

سن بیر قابارجیق کیمیسن

بوتون کپنک­لرین یاشامی سنه باغلی

قون

          اووجوما







بورقان



بارداغین تینینده

دوداق­لارینین ایزی

و سیقارانین دیبینده

سیمگه‌یه دؤنور

اسكی هؤروت­­لرده

ده

دوداق­­لارینین ایزینی اوخوموشدوم

بورقان* دوداق­­لاریندا

بئله‌دیر

بو دیلی‌یالین سؤیچو

سنه بیر بورقان كیمی تاپینیر

آی تانری‌لار تانریسی سئوگیلیم!

 


* اسکی تورکجه بودا. دیوان لغات الترک و آلتون یاروقدا. بو سؤزجوک بورخان کیمی ده یازیلمیشدیر.





قونولار: ادبیات  شئعر 




بوروس هولند راجئرزدن بیر اؤیکو



آیالاما یازینسال نئت درگیسینده یاییلمیش چئویریم

http://www.ayalama.com/?p=367


سون گؤرونمه میش پنجره، سون گؤرونمه میش ماشیندا

بوروس هولَند راجئرز


 بوتون گئری آلیرام. هئچ بیر تئلفون زنگی سحر ساعات ایكی ده اویاتمادی منی. هئچ بیر غریبه سس دوز ساعات اوچ یاریم دا هئچ زامان تانیمادیغیم آتایلا گؤروشمه‌یه دوراق‌دا اولاجاغیمی دئمه‌دی.

دوغرو دئییل کی كؤینه‌ییمین دویمه‌لرینی، قارانلیقدا گئیینركن، چتینجه باغلادیم؛ یوخسا یوخو نوكائینی ایله اوزوم جانسیز گؤروندو. اوجاق آیی‌نین هاواسینین شوكوندان چتینجه نفس دردیییمی دئدیم­می؟ یوخ بئله دئییل.

آردی وار...



قونولار: چئویری  ادبیات  اؤیکو 
ایلگی لی باغلانتی لار: بوروس هولند راجئرزین دوشرگه سی 




چارلز سیمیک دن بیر شئعر



یوخاری قاتدا اولان کیمسه یه

 چارلز سیمیک

 

دونیا باشچی­لارینین باشی

چوخ­-بیلمیش بَی جنابلاری!

خورناز!

سامان آلتی سو!

و هر شئی کی اوزمانسان اوندا.

دایانما! صیفیرلارینی بویان اویان ائت بو گئجه.

قویروقلارینی داواتا باتیر قویروقلو اولدوزلارین.

گئجه-­نی اولدوز ایشیغی ایله سانجاقلا.

آردی وار...



قونولار: چئویری  ادبیات  شئعر 
ایلگی لی باغلانتی لار: اؤزگون شعر