تبلیغات
مانقیم - چارلز سیمیک دن بیر شئعر

چارلز سیمیک دن بیر شئعر



یوخاری قاتدا اولان کیمسه یه

 چارلز سیمیک

 

دونیا باشچی­لارینین باشی

چوخ­-بیلمیش بَی جنابلاری!

خورناز!

سامان آلتی سو!

و هر شئی کی اوزمانسان اوندا.

دایانما! صیفیرلارینی بویان اویان ائت بو گئجه.

قویروقلارینی داواتا باتیر قویروقلو اولدوزلارین.

گئجه-­نی اولدوز ایشیغی ایله سانجاقلا.

 

داها راحات اولاردین قهوه فالینا باخسایدین ،

"فارمئرز آلماناک"ی[1] واراقلایارکن.

آما یوخ!

          سن چوخ ایسترسن بوغازینی شیشیردیب،

          رئکلام ائده-­سن آدلیم دینجلییینی

          گئنیش ماسانین آرخاسیندا اوتورموش­کن

گلن­-قوتویلا گئدن­-قوتون بوم-بوش

و ابدیت بوتونویله چئور­نده داغیلمیش.

 

بوتون بونلار قورخوتمور سنی

          سؤزلرینی ائشیده­-سن

          دوغال-اؤلچولو پیله-­مه قولچاق کیمی

دیزلرینی چؤکوب یالواراندا

          سنی عزیزله-­درکن تله­-سه تله­-سه؟

دئ ییغیشدیریب یاتاغا گیرسین­لر.

بیلمه-­ین کیمی اؤزونو باشی-قاریشمیش­لیغا وورما.

 

اللرین بوش­دور

          گؤزلرین ده.

قول چکمه­-یه هئچ بیر شئی یوخ،

آدینی بیلسه­-یدین ده،

دوشونسه­-یدین ده هله­ ده اویدوردوق­لاریمی،

ائله­-کی بو نوتو قارانلیقدا قارالاییرام سنه.



[1] - آمئریکالی بیر درگی­نین آدی­دیر:Farmer's Almanac . "اکینچی تقویمی" آنلامیندا.




قونولار: چئویری  ادبیات  شئعر 
ایلگی لی باغلانتی لار: اؤزگون شعر