تبلیغات
مانقیم - بوروس هولند راجئرزدن بیر اؤیکو

بوروس هولند راجئرزدن بیر اؤیکو



آیالاما یازینسال نئت درگیسینده یاییلمیش چئویریم

http://www.ayalama.com/?p=367


سون گؤرونمه میش پنجره، سون گؤرونمه میش ماشیندا

بوروس هولَند راجئرز


 بوتون گئری آلیرام. هئچ بیر تئلفون زنگی سحر ساعات ایكی ده اویاتمادی منی. هئچ بیر غریبه سس دوز ساعات اوچ یاریم دا هئچ زامان تانیمادیغیم آتایلا گؤروشمه‌یه دوراق‌دا اولاجاغیمی دئمه‌دی.

دوغرو دئییل کی كؤینه‌ییمین دویمه‌لرینی، قارانلیقدا گئیینركن، چتینجه باغلادیم؛ یوخسا یوخو نوكائینی ایله اوزوم جانسیز گؤروندو. اوجاق آیی‌نین هاواسینین شوكوندان چتینجه نفس دردیییمی دئدیم­می؟ یوخ بئله دئییل.

هئچ بیر تاكسی گلمه‌دی. منسه، خیاوان چیراقلارینین كؤلگه‌سی ماشین اوزه‌رینده یوروركن بیری بیرینین آردیندا، دال اوتوراق‌دا تیترمه‌دیم. او گئجه خیاوان اؤزه‌لجه قارانلیق، اؤزه‌لجه سوسقون اولورموشسا دا من گؤرمه‌دیم. ترافیك چیراغینین ساری یوخسا قیرمیزی ایشیلداماسینی گؤرمه‌یه اوردا دئییلدیم.

"سَكی اوزه‌رینده دوروب نفسیمین دومانینا اولدوزلارا دوغرو قالخاركن باخدیم" دئمیشسم، باغیشلایین. یالان سؤز اینجیدیر منی. قویون آچیقلاییم بونو: هئچ بیر قاتار گلمه‌دی. هئچ بیر ماشین-یوكلو قاتار، چئلسی، ریوگراند، پاسیفیك، یوخسا قوزئی بئرلینگتون‌دان گلیب گورولتویله سوووشمادی. هئچ بیر آمتراك قاتاری كئچیب گئتمه‌دی دورمادان. بئله بیر شئی اولموشسا دا ، من اوردا دئییلدیم. خاراب سَكی-چیراغی آلتیندا دا دورمادیم. چیراق‌سا بیردن سؤنمه‌ی، ویزیلداییب گؤی رنگینه دؤنمه‌دی، پارلاق نارینجی رنگینده یانمادی، و یئنیدن ویزیلدامادی بیر، ایكی، اوچ، دؤرد دؤنه سون ماشین كئچیب گئده‌ندن اؤنجه.

بیر كیشینین كؤلگه‌سی اوردایمیشسا، بیر شبح، سون ماشینین سون پئنجره‌سینه چرچیوه‌لنمیش، هئچ بیر شئی بیلمیرم اوندان.

بوتون یولو آددیملامادیم ائوه‌جن. اؤز-اؤزومله دئمه‌دیم بئله­سینه داها یاخشی اولاردی، اؤزومدن ایچینده هئچ بیر ایز گؤرمه‌دیییم‌دن دوشوندویوم كیشی قیرابیلمز اومودومو.

هئچ بیر قار خیرچیلدامادی چكمه‌لریمین آلتیندا.




قونولار: چئویری  ادبیات  اؤیکو 
ایلگی لی باغلانتی لار: بوروس هولند راجئرزین دوشرگه سی